FISIOTERAPEUTA

Aínda que o nome soaba un pouco estrano, case todos fomos quen de memorizalo. Aprendemos moito do seu traballo e mesmo practicamos facendo unha masaxe do máis relaxante, non si?

Moitas gracias, Raquel, nai de Martina!

Concurso de cabazas 2017

En primeiro lugar darvos as gracias a todas as familias polo laborioso traballo realizado un ano máis.

Enchemos o cole de arañas, mouchos, serpes, morcegos e demais bichos do máis vistosos.

Só podemos elixir unha por clase, o xurado ten un traballo arduo, tentando valorar e premiar a colaboración dos alumnos/as.

As seleccionadas deste ano en infantil son:

PARABÉNS!

MAGOSTO 2017

O vindeiro martes celebraremos o magosto. Lembrade:

REMATANDO XA AS PROFESIÓNS ....

O pasado luns a nai de Roy explicou en 5 anos B o seu traballo coma limpiadora e todos sabiamos moito do tema, algúns axudamos a facer as tarefas da casa! Tamén descubrimos quen fai máis traballo na casa ...papá ou mamá?
Enumeramos unha morea de cousas que utilizamos para limpar.

Tamén estivo en 5 anos A o pai de Marcos, electricista, que ademais de explicarnos cousas fixo unha demostración práctica que nos entusiasmou.

Estamos a ter unhas magníficas experiencias de aprendizaxe gracias a vós pais e nais!

HIXIENISTA DENTAL

5 anos B

Canto sabiamos xa deste tema: todos cepillamos correctamente os dentes 3 veces ao día, pasamos o fío dental todas as noites, nunca esquecemos a língua, non comemos chuches máis que 1 vez á semana ( e, se o facemos, lavamos os dentes a fondo ao rematar), .... unha marabilla!
De todos xeitos Susana, nai de Kike, explicóunolo todiño moi ben ...por se alguén se despista algunha vez... Ademais veu cargada de agasallos.

5 anos B

5 anos A

5 anos A

XOGANDO COA IMAXE

Nas clases de 4 anos estamos a experimentar coa fotografía.
Temos uns modelos que saben posar moi ben: Kia e Cacahuete.

Unha grande sorpresa foi ver como unha sucesión de imaxes poden facer unha pequena película (GIF). Aquí vos deixamos unha mostra:

MÉDICO E ENFERMEIRA

Hai uns días estivo en 5 A a nai de Carmen que é enfermeira e contou un montón de cousas do seu traballo. Ademáis levamos un guante e un depresor moi decorados para casa.







Onte o pai de Javier, coa súa axuda, explicounos o seu traballo de cardiólogo e todos escoitamos como latía o corazón. Aprendimos moito e levamos unha pirueta-corazón.







Foron dúas experiencias do máis aproveitables, gracias aos dous polo voso tempo!

4 ANOS B

Lembrade que o mércores 18 veñen os artistas e necesitamos ter os obxectos na clase. Por se vos esquecedes, poden traelos mañá e que queden aquí para o mércores.
Moitas grazas

UNHA PROFESÓN MOI COÑECIDA: PROFE

A nai de Iago, Miriam, tamén é profe de nenos e nenas de 5 anos coma nós nun cole moitisimo máis grande que o noso (todo o noso cole é coma só infantil no seu). Coñecimos o seu cole e aos seus alumnos a través dun video (a clase dos pingüíns), fixemos varios experimentos que parecían maxia e agasallounos con un libro e caramelos, ...pasámolo pipa! 

CONDUCTOR

Esta mañá Alberto, pai de Miguel, contounos o seu traballo coma conductor de autobús urbán na nosa cidade. Explicounos moitas cousas interesantes e fixemos unha morea de preguntas que nos interesaban. Ademais agasallounos cun yo-yo por estar moi atentos. Démoslle moitas, moitas gracias!

POLICÍA

Esta mañá tocou o turno da policía. Efrén, pai de Rubén, e Sonia, nai de Paula, de 5 A, explicáronnos o seu traballo ao servicio dos demais e nos amosaron moitas das súas ferramentas, incluso o seu coche! Acompañaron a visita algúns compis de primaria xa que teñén irmáns en 1º e 2º.

Como o fixemos tan ben levamos para casa o noso carné de policia infantil, foi xenial!

Gracias por esta experiencia.

MÁIS EMPREGOS ...

Hoxe estivo en 5 anos A o pai de Eva, que traballa coma xefe de mantemento nunha gran empresa. Explicounos varias labores das que facía no seu día a día.

En 5 anos B estivo Bea, nai de Nayara, que coida bebés nunha gardería e ademais de contarnos o que ela fai e contarnos un conto, nos deixou practicar con bonecas ás que cambiamos o pañal e demos o biberón. Gustounos moitísimo!

NO SUPERMERCADO

Onte tivemos en 5 B a Sandra, nai de Ariadna, que nos explicou o seu traballo de charcutera e hoxe a Óscar, pai de Noa, que tamén traballa nun supermercado. Aprendimos cousas sobre as diferentes seccións, o que se fai antes de abrir as portas ao público, de onde proceden certos alimentos, ... todo moi interesate. Despois xogamos e coloreamos sobre o falado.

CARPINTEIRO

Esta mañá tocoulle a Miguel, pai de Manuel, explicar aos de 5 B o seu traballo. Amosounos a súa materia prima (a madeira), un montón de ferramentas, o seu cinto de traballo e mesmo nos fixo unha caixa para meter xoguetes que puidemos decorar. Gustoumos moito, sobre todo poder practicar coas ferramentas!

Graciñas!!