BENVIDO OUTONO!

O outono xa chegou e as nenas e nenos de 4 anos déronlle a súa benvida decorando con pintura e pincel algúns elementos típicos desta época do ano (follas, castañas, cogomelos...).

Foron uns verdadeiros artistas!

XOGAMOS AO BINGO EN 4 ANOS

As nenas e nenos de 4 anos estivemos xogando na clase ao Bingo das palabras.
Para isto, primeiro cada un de nós fixo as súas fichas con plastilina e despois tivemos que prestar moita atención ás imaxes que aparecían no noso cartón para ir colocando cada ficha  sobre as imaxes correspondentes ás palabras que a mestra nos ía dicindo en alto.
Pouco a pouco, comezamos a cantar en alto as liñas que íamos facendo e, finalmente, dous compañeiros cantaron o bingo ao mesmo tempo:-)

HOXE NO PATIO

Esta mañá os novos compis de 3 anos estiveron compartindo xogos connosco no patio do recreo.
Os maiores estabamos moi avisados para ter coidadiño cos pequerrechos e todo saíu á perfección ...

A ver mañá ... será outro día!

PSICOMOTRICIDADE

Os días correspondentes á psicomotricidade das diferentes aulas son:

3 anos A (clase de Teresa).- MÉRCORES
3 anos B (clase de Mila).- LUNS
4 anos A (clase de Mª Carmen).- VENRES
4 anos B (clase de Paula).- LUNS
5 anos A (clase de Estrella).- MÉRCORES
5 anos B (clase de Rosa).- LUNS

Especialmente os días sinalados, deberán vir vestidos con roupa e calzado axeitados e sen accesorios para posibilitar o mellor desenrolo das actividades.

Profe de Psicomotricidade: Ana Álvarez

FIN PERIODO DE ADAPTACIÓN

Hoxe rematou oficialmente o periodo de adaptación. 

A partir do luns 26 de setembro o horario será de 9 a 13:50h. 

A medida de que pase a semana teremos menos tempo coas mestras de apoio, de ahí que sexa tan importante para nós que os nen@s sean cada vez mais autónomos. Non vos esquezades que agora van ao cole de maiores ...

PIOLLOS

Comezou o cole e, polo tanto, xa temos tamén connosco os piollos.

Revisade cabezas e facede os tratamentos necesarios porque .... habelos hailos!

USO DA BIBLIOTECA DO CENTRO

Todos os alumnos de infantil pasamos de cando en vez pola biblioteca do centro na que hai unha zona específica para nós. Pero os de 5 somos os que máis partido lle sacamos: este curso levaremos en préstamo un libro cada semana.

 Hoxe comezamos con este servizo os da clase de Rosa: escoitamos moi atentamente as normas de uso da biblioteca, e como debemos cuidar os seus exemplares. Unha vez comprometidos a respetalas, cadaquén escolleu o seu primeiro libro que levar para a casa e poder así compartilo coa familia ....ibamos ilusionadísimos! 

 Poderemos telo na casa ata o vindeiro mércores (máximo) xa que todos os xoves voltaremos á biblioteca e só poderá levar libro novo quen teña devolto a anterior. 

Esperamos que toda a familia se implique nesta nova actividade fundamental para fomentar o gusto pola lectura na que precisamente nos estamos a iniciar nesta idade.

XA ESTAMOS XUNTOS!

Despois dunha semaniña de conviviencia con compis e profis xa estamos empezando a facer moitas das actividades e rutinas que repetiremos ao longo do curso. Palabras como asemblea, merendas, encargado... empezan xa a soar nas nosas clases.
Mirade como traballamos e o ben que o pasamos!!

Por fin xuntos! - Kizoa Editar Videos - Movie Maker

NOVA MESTRA EN 3 ANOS

Dende onte temos unha mestra en prácticas que estará cos nenos de 3 anos ata Nadal. Chámase KATIA e xa estivo o curso pasado no noso cole. 

A piques de rematar a primeira semana do período de adaptación os nen@s están cada día mais contentos no cole, moitos entran en fila e case non choran.  Empezan a xogar xuntos e prestan atención a contos, cancións, poesías e diferentes actividades.