FELICITACIÓN DE PROFES

 

MERENDOLA NAVIDEÑA EN 4º

Para rematar ben a festa non podiamos deixar de encher o bandullo, así que antes de compartir as ricas viandas que trouxemos da casa, fixemos unha tostas con formas navideñas. Lavamos mans, eliximos formas e metemos ao forno para tostar, estaban deliciosas!! Despois comemos e comemos ata fartar!

FESTIVAL DE NADAL 2022

Velaquí as estelares actuacións do alumnado de infantil no noso FESTIVAL DE NADAL 2022:

 4º INFANTIL

5º INFANTIL

6º INFANTIL

FIXÉRONO DE MARABILLA, UN GUSTO PODER VOLVER COMPARTILO CON TODAS AS FAMILIAS!!!

CREACIÓNS DE NADAL

Durante estes días estivemos xogando na sesión de psico con diferentes materiais do Nadal poñendo en marcha a imaxinación, a creatividade, a paciencia, o traballo en equipo... e sobre todo as ganas de pasalo moi ben!!

Parece que isto o temos conseguido, non sí??

VISITA DE PAPÁ NOEL AO NOSO COLE

Esta mañá tivemos unha sorpresa cunha visita moi especial, así o recibimos os pequechos de 4º curso:

Marchamos moi content@s coas nosas piruletas e coa promesa de Papá Noel e a súa axudante de que algún agasallo haberá para nós!

PROFE JUAN en 4º A

 O profe Juan fixo na aula de 4ºA un proxecto sobre as distintas nacionalidades das familias da clase. Resultou que había 7 distintas. Aprendemos as súas banderas, a súa localización no mapa, as súas comidas típicas ou o seus bailes, foi unha viaxe imaxinaria do máis divertida. Mirade:

PROFE CRIS

 @s profes en prácticas están a rematar a súa formación connosco e realizan as súas propostas de traballo. Na aula de 4ºB a profe Cris elixiu o tema das EMOCIÓNS pensando nas características do alumnado da clase, proporcionándolle estratexias de identificación e regulación a través de diferentes actividades e contos. Está a ser un éxito e de seguro que algo disto chegou ás vosas casas, aquí deixamos unha mostra:

EXPLOSIÓN DE OUTONO

Chegou o día da sesión tola do mes!!

Carriños, vasoiras, abanicos, paraugas, ventilador, follas... e moitas ganas de experimentar e pasalo moi ben!

Creo que vendo as imaxes acadamos o obxectivo, non si??

25 N

Nas nosas aulas tamén nos unimos ao NON Á VIOLENCIA neste día. Xa a estas idades saben distinguir o que é ou non é amor, o conto  "Arturo y Clementina" axudounos a comprendelo mellor.

TOD@S PUXEMOS A NOSA MAN PARA CONTRIBUIR A ELIMINAR A VIOLENCIA CONTRA A MULLER

DÍA DA INFANCIA

Hoxe conmemoramos o noso día, ao longo da pasada semana lembramos nas aulas que temos DEREITOS: a alimentación, a familia, a educación, a escola e a medicina son algún deles. Xunt@s quixemos plasmalo nesta torre na que cada clase de infantil fixo unha das caixas que a forman. 

@s compis de primaria tamén fixeron a súa composición para a porta de entrada ao cole, por suposto tamén fomos visitala:

MAGOSTO 22

 Que ben o pasamos o venres! Bailamos, xogamos e comemos, ...que máis podemos pedir, un día redondo!

YAYOI KUSAMA

Participamos nunha proposta da área de plástica de primaria para compoñendo unha presentación ao estilo da artista japonesa. Pasámolo pipa pegando figuras redondas de cores:

Podedes pasar pola páxina web do centro para ver o proceso e o resultado final da instalación!!

UNHA SESIÓN DE PSICOMOTRICIDADE DE MEDO!!!

A pasada semana, coincidindo coa celebración da festa de Samaín preparamos unha sesión de psico un pouco especial...

Tiñamos caldeiros xigantes nos que atopar ingredientes arrepiantes, unha pócima moi pringosa na que atopar bechos, unha arañeira enorme na que pegar arañas, uns gorros de bruxas que deberon quedarlles perdidos e que usamos para encestar uns aros, un esquelete momificado ao que sacamos as vendas con moito mimo para non despertalo e ata unhas botellas con brebaxes máxicos que nos deixaron pasmados!!

Parace que o pasamos ben, non si?

Aproveito para pedir a vosa colaboración para outra sesión tola deste mes de novembro: Imos precisar follas secas, moitas, moitas pero que moitas follas secas!!! Así que si estes días paseades polo parque o de camiño ao cole podedes recoller algunhas seguro que o pasamos moi ben con elas!!!

Moitas grazas familias!!!

O OUTONO XA ESTÁ AQUÍ, NAS AULAS DE 3 ANOS

 Chegou o outono e con el o cambio da paisaxe coas súas cores típicas, coa caída das follas en gran parte das árbores, coas froitas e festividades típicas desta estación do ano. Observamos os diferentes tamaños, formas e cores das follas, fixemos actividades varias con elas (manipulación, estampación...) e, para rematar, unha macedonia con froitas do outono, que saíu boísima e que nos gustou moito!! Todo coa finalidade que coñezan esta estación do ano e que participen activamente dela.

Aquí vai unha pequena mostra do que fixemos

LIBRO DESCATALOGADO DE AGASALLO

 

QUE CONTENT@S IBAMOS COS NOSOS LIBROS!!!

HALLOWEEN

 Nas clases de inglés teacher Isa y teacher Nuria traballaron o tema con vocabulario, cancións, xogos e manualidades. Deséxannos HAPPY HALLOWEEN!

4th grade: PUMKINS

5th grade: SPIDERS

                            

6th grade: MONSTERS

O SAMAÍN

Como todos os anos nestas datas celebramos a FESTA DO SAMÍN, unha festa celta que conmemora o cambio de estación do verán ao inverno.

No cole, retomamos as actividades que non se puideron levar a cabo estes anos anteriores e que as fixemos con moitas gañas e ilusión! Foron moi variadas: contacontos, cancións, bailes, decoración de cabazas coa exposición delas e visita polos corredores, manualidades...

Presentámosvos a continuación unha mostra delas

DÍA DAS BIBLIOTECAS

 Conmemoramos este día indo de visita á biblioteca pública González Garcés. Alí tivemos unha sesión de contacontos, do libro "O meu bisavó", e visitamos as instalacións da parte infantil e ludoteca. Cáseque o máis divertido foi ir tod@s xunt@s no autobús!

PODEMOS ACUDIR Á BIBLIOTECA COAS FAMILIAS SEMPRE QUE QUEIRAMOS, E OS SÁBADOS ADOITAN TER SESIÓNS ESPECIALMENTE PREPARADAS PARA NENOS E NENAS PEQUECHOS, ANIMÁDEVOS A ASISTIR!