DESPEDIMOS AOS NOSOS PROFES EN PRÁCTICAS

O final do trimestre xa chegou e, ainda que o Nadal e as vacacións póñennos moi contentos, botamos algunha bágoa despedíndonos dos nosos profes en prácticas.

  

Profe Mary, Profe Laura, Profe Pablo e Profe Sergio ímosvos botar moito de menos!!

ENTREGA PREMIOS CABAZAS 2018

Coma todos os anos no noso festival do Nadal fixemos entrega dos premios aos gañadores de cada aula do concurso de cabazas do samaín.
Desta volta @s agraciad@s foron:

Eva, 3 anos A

Daniel, 3 anos B

Teo, 4 anos A

Roque, 4 anos B

Lucía, 5 anos A

Sofía, 5 anos B

VISITOUNOS PAPÁ NOEL

O pasado mércores tivemos unha grande sorpresa no cole, a visita de Papá Noel!!

Menos mal que tiñamos listas as nosas cartas para que el e o seu duende as levaran.

Algúns iamos con pouquichiño de medo pero coa axuda das profes conseguimos poñer a nosa carta no buzón real e coller unha piruleta!!

3 anos A

3 anos B

4 anos A

4 anos B

5 anos A

5 anos B

CABALIÑOS E XIRAFIÑAS LISTAS PARA ACTUAR!

Despois de moitos ensaios estabamos listos para o noso festival de Nadal.

Estábamos todos moi guapos!!


.

BO NADAL

Todo o equipo de Educación Infantil queremos desexarvos unhas festas estupendas e un ano 2019 cheo de bos momentos!!

Bo Nadal!!!

 

TRABALLOS DE NADAL

Durante estas últimas semanas estivemos traballando moito para que o noso cole tivera un aspecto ben festivo, acorde as datas de Nadal.

Estrelas, campás, árbores, botas... todo tipo de adornos que fixemos con moito traballiño e cos que o pasamos moi ben!!

Aquí tedes unha pequena mostra:

ENSAIO FINAL PARA FAMILIAS

 Como xa vos informamos, hoxe faremos o derradeiro ensaio das nosas actuacións antes do festival navideño que celebraremos mañá no cole. Estades invitados a velo pero lembrade que o espacio é moi reducido.

 Só permitiremos o paso ás familias (2 membros) correspondentes a cada nivel:

3 anos ás 12:45

4 anos ás 13:00

5 anos ás 13:15

Procurade entrar e subir en silencio para non entorpecer aos cursos de primaria.

Desfrutade das actuacións e non esteades pendentes das gravacións, en breve teremos á vosa disposición os vídeos para que podades velos. Lembrade ademais que non todos os alumnos teñen autorización para o uso da imaxe ou a súa distribución e o colexio non permite a toma das súas imaxes dentro do recinto escolar.

Graciñas a tod@s pola colaboración! Agardamos que vos guste o que prepararon con tanta ilusión!

OS ANIVERSARIOS DE DECEMBRO

E rematamos o ano soprando veliñas porque os pequerrechos dos Cabaliños e as Xirafiñas xa teñen 4 anos!!

Parabéns para Daniela, Mateo e Antón!!




E como sempre, moitas grazas as familias pola visa colaboración nesta festa!!

O UNIVERSO

Nas aulas de 5 anos estamos a aprender un montón de cousas sobre o Universo. 

Temos moitos libros e materiais diversos aportados polas familias e polo cole. 

Estos son algúns dos videos que vimos e dos que aprendimos moito.
El sistema solar
La Tierra y sus movimientos
El origen del universo
Los eclipses
Constelaciones
Los plantetas (canción)

En poucos días teredes na casa todos os traballos que os nenos e nenas están a facer con moito esforzo e ilusión. 
Esperamos que vos gusten.

 

A Terra, o noso planeta e a rotación.

O sistema solar. Movemento de traslación e eclipses.

Buscando novas  sobre o universo no xornal.

Fases da Lúa.

Estrelas e cometas.

Dibuxando constelacións.

EMPEZARON OS "CONTOS NA LAREIRA"

En 3 anos, "A" e "B", empezamos xa a contar "na lareira". Inaugurou a actividade María, nai de Breogán da aula de 3 anos B.

Entre os dous, nai e fillo,  nos agasallaron  co conto "O COELLIÑO BRANCO" ( Kalandraka) e non tedes máis que mirar as caras dos nenos e nenas para comprobar o que nos gustou a todos.

Grazas por compartir esta actividade con todos nós.

DÍA NON LECTIVO

LEMBRAMOS QUE O VINDEIRO VENRES DÍA 7 DE DECEMBRO NON HAI CLASE XA QUE É O DÍA QUE A CONSELLERÍA DE EDUCACIÓN DESIGNA COMA DÍA DO ENSINO.
VÉMONOS Á VOLTA DESTES DÍAS, O LUNS 10.

ERRO NA NOTA INFORMATIVA

Onte os nenos e nenas levaron a casa unha nota informando dos días das actuacións, como teñen que vir vestidos cada grupo, a merendola de nadal...

Tamén ía unha autorización para poder recoller aos peques ao acabar a súa actuación, despois de pasar pola aula.

Nesa autorización a data é errónea. Pon o día 21, cando o festival para as familias é o día 20.

Podedes cambialo ao firmar a autorización.

Desculpade o erro. Moitas grazas!!

BAIXO O MESMO PARAUGAS!!

Hoxe, 3 de decembro, conmemórase o Día das persoas con discapacidade e na clase das Xirafiñas a profe Mary achegounos a esa realidade.

Durante a asamblea falamos sobre o que é a discapacidade, palabra que a algún soáballe das noticias, a outros lles parecía que podía ser estar malito, e outros comentaban que eran as persoas que non andaban ben...

Entre todos tratamos de achegarnos ao que significa ter unha discapacidade e puxémos varios exemplos, para despois poñernos na pel destas persoas.

Falamos de como nos gustaría que nos trataran e puxemos varios exemplos gráficos sobre o que sería a exclusión, a segregación, a integración e a inclusión. Chegamos a conclusión de que o modelo que máis nos gustaba era o da inclusión, así que rompimos os demais!

 

Para rematar, pensamos que é o que nos fai a nós especiais, diferentes, únicos... e o escribimos nunha etiqueta que colgamos do noso paraugas, que tamén decoramos, desta maneira queremos simbolizar a idea do modelo inclusivo do que falamos antes, co lema "Baixo o mesmo paraugas!"