martes, 30 de abril de 2019

CONTOS NA LAREIRA: LOS LOBOS QUE VINIERON A CENAR

Onte visitounos a mamá de Daniel da clase de 3 anos B e, SORPRESA!, o seu irmán Nico recén nacido. Portouse de marabilla durmindo mentres Dani e a súa nai nos contaban un conto ben divertido. Neste caso os lobos non eran tan malos coma sempre cremos, así que non debemos xuzgar á xente antes de coñecela ben. Foi ben interesante!
















Graciñas María!

sábado, 27 de abril de 2019

EN MEMORIA DE YOEL

O venres tivemos un sinxelo e moi emotivo acto de lembranza cara un compañeiro do cole falecido recentemente. Antes de facer o recreo habitual xuntámonos no patio para gardar un minuto de silencio seguido de un minuto de aplausos. Despois  do patio os seus compis de 1º de primaria plantaron unha árbore na súa honra na entrada do cole.


Toda a comunidade educativa lamentamos profundamente a súa perda.

CONTOS NA LAREIRA: A PRINCESA PRIMOROSA

Celia, nai de Paola de 3 anos A, véu visitar a nosa lareira para contarnos un conto rimado con mensaxe incluida: esta princesa tan fermosa de non querer lavarse converteuse en porquiña! ...pero ese non é o caso dos nen@s do Wenceslao, aquí todos ulimos de marabilla.



PARABÉNS ANTÓN

Co mes de Abril a piques de rematar celebramos o cumple de Antón, que é o único peque que cumpliu anos neste mes.

Puxémonos coma pepes coa torta que nos trouxo, estaba boísima!!


Parabéns pequerrecho!!

jueves, 25 de abril de 2019

"HISTORIA DE UN CALCETÍN"

Hoxe as nenas e nenos de 4 anos saíron do cole para achegarse ao Fórum Metropolitano e asistir a representación da obra "Historia de un calcetín".



O pasaron moi ben e ríronse moito!!
Que vos contaron??

viernes, 12 de abril de 2019

EASTER EGG HUNT

Nas clases de inglés tivemos unha actividade sorpresa: fomos buscar ovos de Pascua que estaban agochados polo patio e o xardín.
Aquí tedes unha mostra do divertido que foi!

3 ANOS
4 ANOS


5 ANOS

Á RICA ESPINACA!!

Como xa sabedes, no cole temos un horto ben chulo e que ademais ten un producto ecolóxico e ben bo!!

Foi tempo de recolleita e puxémonos as botas no patio comendo as follas de espinacas máis tenras, case non chegan as casas das nenas e nenos de 5 anos!!!

Preguntádelles aos peques porque foron moitos os que quixeron probalas e repetiron!!



Isto si que é cociña de proximidade, verdade?? Probástelas??

IMOS DE CONCERTO: RAÍCES

As nenas e nenos de 4 e 5 anos achegámonos esta semana ata o Palacio da Ópera para gozar con "Raíces", un espectáculo ao ritmo de África.

Descubrimos varios instrumentos tradicionais, bailes, sons... o pasamos moi ben!!



Se queredes volver a disfrutar lo espectáculo podedes repetir experiencia en familia xa que farán outro pase o sábado.

Que vos parece o plan??

lunes, 8 de abril de 2019

A VOLTAS COS PIOLLOS!!

Voltamos a ter inquilinos nas nosas cabeciñas así que lembrámosvos que unha vez detectados piollos é necesario:
  •  Aplicar un tratamento axeitado. 
  • PEINAR A DIARIO DURANTE UN PAR DE SEMANAS CON UNHA LENDRERA porque  soen quedar ovos que eclosionan días despois do tratamento. 
  • Lavar a temperatura alta roupa de cama, toallas, gomas do pelo, lazos, gorros, etc porque do contrario poden telos de novo ou pasalos  a outros membros da familia. 
  •  O piollo non sobrevive máis de 48h fora do cabelo, así que se metemos en bolsas herméticamete cerradas calquera obxecto susceptible de ter piollos, morrerán nese período de tempo. 
Pregamos que revisedes habitualmente as cabezas dos nen@s para evitar contaxios.




domingo, 7 de abril de 2019

VISITA A SANTA MARGARITA

O día 3 deste mes de abril os nenos e nenas das dúas aulas de 3 anos visitamos o parque de Santa Margarita.
Alí nos esperaba un trasniño que vive no parque para contarnos como coidalo, como mantelo limpo e que cousas podemos facer alí para pasalo ben. Tamén nos levou  a casa onde vive.
A nosa primeira saída foi moi divertida.´