SAIDA A SANTA MARGARITA

Os nenos e nenas de 3 anos visitaron o parque de Santa Margarita.
Cascanueces, o garda do parque, pideulles axuda para recoller mentras ía ao reloxeiro...
Repartidos en grupos foron ao estanque e escoitaron o conto da semente. Con lupas buscaron diferentes elementos para formar con eles un diseño orixinal. Organizaron obxectos segundo a súa utilidade cando vai calor, vento, choiva ou frío. Tamén axudaron a reciclar papel, cartón, plásticos e vidro.
Cascanueces quedou encantada coa axuda!!

  

Como podedes ver foi moito "traballo" pero disfrutaron un montón...

FESTA GALEGA

Entregáronse os premios polo concurso de marcapáxinas








Un éxito o noso festival, podedes comprobalo con esta pequena mostra:

3 ANOS: O GALO CANTA

4 ANOS: TOC, TIC, TOC

5 ANOS: FUN AO MERCADO

                                   

5 ANOS EN ESTADOS UNIDOS

Os de 5 remataremos a nosa andanza ao redor do mundo coa derradeira parada en Estados Unidos.


See you ...

FESTIVAL DAS LETRAS GALEGAS 2017

O vindeiro venres, con un pouco de retraso, imos conmemorar no cole o día das letras adicado este ano a Carlos Casares.

Os nenos e nenas actuaremos enriba do escenario e veremos aos nosos compañeros/as cantando, recitando, facendo teatro ou bailando todas aquelas pezas que temos preparado dende hai tempo con moita ilusión.

Desta volta só é para o alumnado do centro.

Como será un día especial e de festa podedes mandarlles a merenda tamén especial, ou sexa, non tan saudable coma de costume, para compartila cos compañeros/as.

OS ANIMAIS EN 4 ANOS

Nas aulas de 4 anos estamos traballando a temática dos animais e para finalizar a unidade fixemos un mural entre todos os nenos e nenas.

Esperemos que vos guste!

LEITUGAS

Hoxe en 3 anos plantamos leitugas na clase. Imos telas moi perto para coidalas e ver como medran. Adenáis  na terra veu un visitante inesperado, un verme pequeniño que vai axudar a que as nosas leituagas medren ainda mellor.
Son pequenas pero con terra, auga e sol seguro que a final de curso facemos unha boa ensalada!!!

EXCURSIÓN FIN DE CURSO

O venres levaron os alumnos/as unha circular a modo de consulta para poder facer unha previsión de cara á excursión prevista para o remate deste curso.

A intención é ir en tren ata Betanzos onde faremos uns xogos e tomaremos as nosas merendas, para coller de novo o tren de volta ao cole. O horario será o habitual dun día normal do curso.

O precio pode rondar os 8 euros, segundo o cálculo inicial, xa que teremos á nosa disposición o tren só para nós: en total somos 148 nenos e nenas acompañados por 12 profesores e profesoras.

En principio, falta confirmación por parte de Renfe, sería o día 21 de xuño.
É imprescindible que todos mandedes contestación o antes posible para unha óptima organización.
Moitas gracias.

XARDÍNS MÉNDEZ NÚÑEZ

Esta preciosa mañá de maio os de 5 saímos ata os xardíns para facer actividades moi divertidas ao tempo que dabamos repaso a moito do aprendido cando comezamos a nosa viaxe aló por setembro deste curso traballando a nosa cidade, A Coruña.
Divididos en catro grupos rotamos polas catro zonas de actividade acompañados da nosa monitora:

• Na escultura a Curros Enríquez buscamos varios detalles que nos ensinaron en fotografía. Tivemos que dar voltas ao seu redor para atopalos todos.
• No palco da música fixemos diversos ritmos e tocamos instrumentos para converternos nós mesmos nunha verdadeira orquestra.
• Diante do Kiosco Alfonso tivemos que traballar por parellas para decidir se o que nos dicían era falso ou verdadeiro axudados das imaxes. 
• E ao carón da Terraza fixemos un xogo de buscar á parella para logo descobrir que todas as imaxes que nos unían andaban por alí moi preto de nós.

SORPRESA NA CAIXA DE CORREOS? ...SENÓN MAÑÁ

Os de 5 preparamos coa profe Isa unhas felicitacións moi especiais para comemorar o día da familia, hoxe 15 de maio. Especiais porque as fixemos en inglés e, sobre todo, porque han chegar dun xeito pouco habitual ....era un segredo! Non sabedes ben a ilusión que nos fixo!!

CAMIÑO ESCOLAR SEGURO

Esta mañá os de 5 tivemos unha sesión coa policía local para explicarnos como debemos ir pola rúa cando  facemos o camiño á escola ou andamos de paseo.
Despois da sesión explicativa no cole, fixemos unha experiencia práctica saíndo fóra do edificio para cruzar diversas rúas e mesmo parar o tráfico ao modo da policía.
Foi moi interesante e de seguro que imos lembrar moito mellor todo o que xa sabiamos.

PARA MAMÁ

Desta volta tocóulles o turno ás mamis. Traballamos con moito cariño e segredo para agradar ás nosas mamás ... de seguro que o conseguimos!

3 anos

4 anos

5 anos

 FELICIDADES MAMÁS!!!!!!!!!!!!!!!!!!!!

SELLO (SÓLO PARA LOS DE 5)

OS ALUMNOS/AS DE 5 ANOS DEBEN TRAER AO COLE UN SELO DE CORREOS SEN USAR (50 céntimos) PARA UTILIZAR NUNHA ACTIVIDADE DE INGLÉS ANTES DO VINDEIRO XOVES.

GRACIÑAS