MARCAPÁXINAS

Coma todos os anos estamos a elaborar os marcapáxinas para o concurso que se organiza dende o equipo de biblioteca do centro. Este ano elexíuse o tema do autor Manuel María (homenaxeado este ano nas letras galegas) e o seu libro de poesías "Os soños na gaiola". Neste libro hai poesías de animas, de fenómenos meteorolóxicos, de obxectos agrarios, ... e cadaquén plasmou o que le gustou no correspondente marcapáxinas.

3 anos A

3 anos B



4 anos B

4 anos A

5anos A

5 anos B

PASTA DE SAL

Os de 4 seguimos co noso proxecto de cociña:


   Fixemos pasta de sal: comprobamos que os alimentos serven tamén para outras cousas, neste caso, para facer manualidades ...

CONTACONTOS

O pasado mércores tivemos una sesión de contacontos da historia "Feliz Feroz", unha de lobos un pouco diferente. Participamos e desfrutamos moito do conto.

MÁIS ARTE: escultura e pintura

Agora tócalle o turno á escultura, Meninas versión plastilina, xa vedes:

Ademais comparamos o cadro "Las meninas" con "El grito", miramos en que se parecían (pouco) e en que se diferenciaban (moito). Todos imaxinamos que lle podía ter pasado a esa persoa para estar a berrar así e fixemos cadansúa versión:

CONCERTO DIDÁCTICO

Esta mañá os de 4 e os de 5 fomos ao Palacio da Ópera para ver un concerto de instrumentos de corda  interpretado polo grupo Arcos Iris. A través de diversas pezas de obras clásicas fixemos unha viaxe polas nosas emocións: medo, tristura, enfado, sorpresa, alegría, ... Foi divertido participar activamente!

• grupo Arcos Iris

LEMBRADE QUE MAÑÁ SÁBADO ÁS 12 PODEDES ACUDIR AO MESMO CONCERTO "EN FAMILIA"

A GRANXA

Os de 3 anos están rematando xa o seu tema dos animais domésticos. Teñen unha granxa montada na aula!!!

PIZARRA DIXITAL

Veñen de ter colocado dúas pizarras dixitais en aulas que aínda non contaban con elas. Xa só nos queda un aula sen dotación no que a educación infantil respecta.

Pouco a pouco tanto profes coma alumnos estamos a familiarizarnos co seu uso. É unha ferramenta moi útil coa que se poden realizar cantidade de actividades. Os neno/as están moi habituados xa ao seu uso coma instrumento de aprendizaxe.